शिक्रापूर (शेरखान शेख): करंदी (ता. शिरुर) येथील एका कंपनीत कामाला जाणाऱ्या महिलेचा वारंवार पाठलाग करत महिलेला शिवीगाळ, दमदाटी करत महिलेचा विनयभंग केल्याची घटना घडली असल्याने शिक्रापूर पोलीस स्टेशन येथे संदीप संभाजी कंद्रूप या युवकावर गुन्हे दाखल करण्यात आले आहे.
करंदीत सदर महिला परिसरातील एका कंपनीत कामाला असून महिला कामाला जाताना व घरी येताना संदीप हा वारंवार तिचा दुचाकीहून पाठलाग करत राहिला. त्याने वारंवार महिलेला चल माझ्या गाडीवर बस मी तुला सोडतो असे म्हणाला मात्र महिलेने त्यास नकार दिला. मात्र त्याने पुन्हा तसेच कृत्य करत महिलेला दुचाकीवर बसण्यास सांगितले. परंतु महिलेने त्यास नकार दिल्याने त्याने महिलेला शिवीगाळ, दमदाटी करत महिलेच्या मनास लज्जा उत्पन्न होईल, असे कृत्य केले.
याबाबत सदर महिलेने शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी संदीप संभाजी कंद्रूप याच्या विरुद्ध विनयभंग प्रकरणी गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस नाईक भरत कोळी हे करत आहे.
