शिक्रापूर (शेरखान शेख): टाकळी भीमा (ता. शिरुर) येथे एका युवकाला जुन्या वादातून दारु पिऊन शिवीगाळ, दमदाटी करत मारहाण केल्याच्या घटना घडली असल्याने शिक्रापूर पोलीस स्टेशन येथे संतोष लोकरे या युवकावर गुन्हे दाखल करण्यात आले आहे.
टाकळी भीमा (ता. शिरुर) येथील आकाश मोहिते व संतोष लोकरे यांचे यापूर्वी वाद झालेले आहेत. आकाश हा त्याच्या घरासमोरुन जात असताना संतोष तेथे दारु पिऊन आला त्याने जुन्या वादातून आकाशला शिवीगाळ, दमदाटी करत मारहाण करण्यास सुरुवात केली यावेळी आकाश प्रतिकार करत असताना संतोषने त्याच्या हाताला चावा घेत जखमी केले.
याबाबत आकाश मारुती मोहिते (वय २१) रा. टाकळी भीमा (ता. शिरुर) जि. पूणे याने शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी संतोष लोकरे रा. टाकळी भीमा (ता. शिरुर) जि. पूणे याचे विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलिस हवालदार अमोल चव्हाण हे करत आहे.
