शिक्रापूर: कोरेगाव भीमा (ता. शिरुर) येथील मावलाईचा मळा येथे राहणारे पांडुरंग गायकवाड व त्यांच्या शेजारी राहणारे संपत लोंढे यांच्यात शेजारील सांडपाणी घरासमोर येत असल्याने वाद झाला होता. त्या वादाच्या कारणातून संपत लोंढे व आदींनी गायकवाड यांच्या घरा समोर जाऊन बेकायदेशीर गर्दी जमवून गायकवाड यांना शिवीगाळ, दमदाटी करत जीवे मारण्याची धमकी देत घरा समोरील सांडपाण्याच्या कारणातून बेदम मारहाण केली.
याबाबत पांडुरंग शिवाजी गायकवाड (वय ३९) रा. मावलाईचा मळा कोरेगाव भीमा (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी संपत लोंढे, आशा संपत लोंढे दोघे रा. कोरेगाव भीमा (ता. शिरुर) जि. पुणे, विकास लोंढे, शंकर लोंढे, महेश हरिभाऊ लोंढे, तिघे रा. बागवान नगर वढू खुर्द (ता. शिरुर) जि. पुणे यांच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस उपनिरीक्षक अविनाश थोरात हे करत आहे.