शिक्रापूर: शिक्रापूर (ता. शिरुर) येथील पुणे नगर महामार्गावरुन बसमधून प्रवास करणाऱ्या एका व्यक्तीचे ३ लाख ३० हजार रुपये अज्ञात महिलेने लांबवले असल्याची घटना घडली असल्याने शिक्रापूर पोलीस स्टेशन येथे अज्ञात महिलांवर गुन्हे दाखल करण्यात आले आहे.
अहमदनगर येथून प्रवास करत पुणे येथे राजाराम गुलाखे येत असताना त्यांनी त्यांच्या जवळील पिशवीमध्ये ३ लाख ३० हजार रुपये ठेवलेले होते. रांजणगाव गणपती येथे बस आल्यानंतर काही महिला बसमध्ये चढल्या आणि गुलाखे यांच्या शेजारी बसल्या बराच वेळ महिला काही हालचाल करत होत्या. काही वेळाने महिला शिक्रपुरे येथे बस मधून उतरल्या.
दरम्यान गुलाखे यांची पिशवी पाहिली असता पिशवी फाटलेली दिसल्याने त्यांनी पिशवीमध्ये पाहणी केली असता पिशवीतील ३ लाख ३० हजार रुपये चोरीला गेल्याचे दिसले. त्यामुळे सदर महिलांनी चोरी केल्याचे निदर्शनास आल्याने राजाराम बाळू गुलाखे (वय ६०) रा. देऊळगाव सिद्धी ता. अहमदनगर जि. अहमदनगर यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात महिलेवर गुन्हा दाखल केला असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस उपनिरीक्षक राजेंद्र बनकर हे करत आहे.