शिरूर (अरुणकुमार मोटे): कवठे येमाई (ता. शिरूर) येथे भावाला व चुलत भावाला शिवीगाळ करू नको, असे समजावून सांगत असताना समजावून सांगणाऱ्यालाच दगडाने मारहाण करत जीवे मारण्याची धमकी दिली आहे. यात सुनील भाऊ गाडेबैल हे जखमी झाले आहे. शिरूर पोलिस स्टेशन येथे संभाजी गंगाराम गाडेबैल याच्या विरुद्ध गुन्हा दाखल झाला आहे.
शिरूर पोलिसांनी दिलेल्या माहितीनुसार, २७ ऑगस्ट रोजी रात्रौ ७.३० च्या सुमारास कवठे येमाई (ता. शिरूर) येथील गाडेबैल वस्ती येथे चारंगबाबा देव यांचा उत्सव चालू असताना कवठे येमाई गावातील सुनील भाऊ गाडेबैल यांच्या ओळखीचा संभाजी गंगाराम गाडेबैल (रा. गाडेबैल वस्ती, कवठे येमाई ता. शिरूर) हा सुनिल गाडेबैल याचा भाऊ गणेश भाउ गाडेबैल आणि चुलत भाऊ गणेश बापु गाडेबैल याना शिवीगाळ करत होता. सुनिल गाडेबैल हा त्यास समजावुन सागत असताना, त्याने सुनिल गाडेबैल यास शिवीगाळ दमदाटी करून, हातात मावेल असा दगड घेवुन त्याच्या डाव्या डोळ्याच्या वर कपाळावर मारून दुखापत करून, जिवे मारण्याची धमकी दिली आहे. या घटनेचा पुढील तपास सहाय्यक फौजदार माणिक माडगे हे करत आहेत.
शिरूर तालुक्यात लाकडी दांडके, लोखंडी पाइप व कुऱ्हाडीच्या साहय्याने मारहाण; कारण…
शिरुर तालुक्यात नराधम बापानेच केला अल्पवयीन मुलीवर वारंवार लैंगिक अत्याचार; आरोपी बापाला अटक
शिरुर-तांदळी रस्त्यावर गुनाटजवळ अज्ञात वाहनाच्या धडकेत बिबट्या ठार
पुणे-नगर महामार्गावर अनोळखी महीलेला अज्ञात वाहनाची धडक, मृतदेहाची ओळख पटवण्याचे पोलिसांपुढे आव्हान
