न्हावरे (तेजस फडके): शिरुर-चौफुला रस्त्यावर १९ सप्टेंबर २०२४ रोजी सकाळी ११:३० वा च्या सुमारास न्हावरे (ता.शिरुर) गावच्या हद्दीत न्हावरे कारखान्याजवळील अमरदिप पेट्रोलपंपाजवळ भरधाव वेगात आलेल्या कंटेनरने एका पायी चाललेल्या व्यक्तीस धडक दिली. या घटनेत विठ्ठल नारायण निंबाळकर (वय ८, रा. न्हावरे ता. शिरूर, जि.पुणे) हे गंभीर जखमी झाले आहेत. कंटेनर चालक पळून गेल्याने नितीन दत्तात्रेय हांडे (वय ३२) यांनी फिर्याद दिल्याने अज्ञात कंटेनर चालकावर गुन्हा दाखल करण्यात आला आहे.
शिरुर पोलिसांनी दिलेल्या माहितीनुसार, शिरुर-चौफुला रस्त्यावर न्हावरे कारखान्याजवळील अमरदिप पेट्रोलपंपाजवळ शिरुर बाजुकडुन भरधाव वेगाने आलेला कंटेनर क्रं एन एल ०१ ए जी ३६५७ च्या चालकाने त्याच्या ताब्यातील कंटेनर भरधाव वेगाने चालवत रस्त्याच्या कडेने पायी चाललेले विठ्ठल नारायण निंबाळकर यांना पाठीमागून धडक बसल्याने अपघात होवून अपघातात त्यांच्या डोक्याला व हातापायाला गंभीर मार लागून ते गंभीर जखमी झाले आहेत.
या अपघातानंतर कंटेनर चालक पळुन गेल्याने शिरुर पोलिस स्टेशन येथे नितीन दत्तात्रेय हांडे यांनी फिर्याद दाखल केल्याने अज्ञात कंटेनर चालकावर गुन्हा दाखल करण्यात आला आहे. या घटनेचा पुढील तपास पोलिस हवालदार जाधव हे करत आहेत.
शिरूर! तू येथे आईच्या घरी राहायचे नाही असे दोघे म्हणाले अन्…
शिरुर येथे पुणे-नगर महामार्गावर अज्ञात वाहनाच्या धडकेत महिलेचा मृत्यू तर मुलगा जखमी
पुणे-अहमदनगर रस्त्यावर अज्ञात वाहनाच्या धडकेत एकाचा मृत्यू…
शिरूर तालुक्यात कंपनीच्या मॅनेजरने केला महिलेचा विनयभंग…
शिरूर शहरामध्ये वाहतुकीचे नियम मोडणाऱ्यांवर सलग दुसऱ्या दिवशी कारवाई…
