शिरुर (अरुणकुमार मोटे): जारकरवाडी (ता.आंबेगाव) येथील शेतकरी मल्हारी महादु लबडे हे (दि.२७) रोजी काठापूर खुर्द (ता. शिरुर) येथे बैलगाडा शर्यत बघण्यासाठी गेले असता अज्ञात चोरट्यांनी त्यांची होन्डा कंपनीची शाईन मोटारसायकल क्रमांक एम.एच.१४ एफ.एफ ४११५ हि दुचाकी चोरुन नेली. याबाबत लबडे यांनी टाकळी हाजी पोलीस दूरक्षेत्र येथे अज्ञात चोरट्याविरुद्ध फिर्याद दाखल केली आहे.
याबाबत सविस्तर माहिती अशी कि, मल्हारी लबडे हे आपला मुलगा मंगेश याच्यासह जारकरवाडी येथुन काठापुर खुर्द येथे यात्रा असल्याने बैलगाडा शर्यत पाहण्यासाठी गेले असता त्यांनी आपली दुचाकी हॅन्डल लॉक करून बैलगाडा घाटाशेजारी लावली होती. सायंकाळी सहाचे सुमारास शर्यती बघुन झाल्यानंतर आपल्या दुचाकीकडे गेले.
सदर मोटारसायकल दुपारी पार्क केलेल्या जागेवर त्यांना दिसली नाही. म्हणुन सदर दुचाकीचा आजूबाजूच्या परिसरात शोध घेतला असता कोठेही आढळून न आल्याने दुचाकी चोरीस गेल्याची खात्री झाल्यानंतर त्यांनी टाकळी हाजी पोलीस दूरक्षेत्र येथे दुचाकी चोरीची फिर्याद दखल केली आहे. अधिक तपास पोलीस हवालदार अमोल आगलावे करत आहेत.
