शिक्रापूर (शेरखान शेख): शिक्रापूर (ता. शिरुर) येथील वेळ नदीच्या पात्रात एका अनोळखी महिलेचा मृतदेह आढळून आल्याची घटना घडली असल्याने शिक्रापूर पोलीस स्टेशन येथे आकस्मात मृत्यूची नोंद करण्यात आली आहे.
शिक्रापूर (ता. शिरुर) येथील महाबळेश्वर नगर परिसरात (दि.14) रोजी सकाळच्या सुमारास नदीच्या पाण्यामध्ये एका महिलेचा मृतदेह असल्याचे काही नागरिकांना दिसले. याबाबतची माहिती मिळताच पोलीस उपनिरीक्षक राजेश माळी, पोलीस नाईक संतोष मारकड, रविकिरण जाधव, महेंद्र पाटील यांनी घटना स्थळी धाव घेत नागरिकांच्या मदतीने महिलेचा मृतदेह पाण्यातून बाहेर काढला.
यावेळी महिलेचे वय अंदाजे ३० ते ३५, अंगात राखाडी रंगाचा ब्लाऊज, हिरव्या रंगाचा परकर, कानात व गळ्यात पिवळ्या धातूचे दागिने असे आढळून पोलिसांनी सदर महिलेबाबत आजूबाजूला चौकशी केली असता काहीही माहिती मिळू शकली नाही.
याबाबत कैलास विश्वास मराठे (वय ५७) रा. पाबळ चौक शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी आकस्मात मृत्यूची नोंद केली असून सदर पुढील तपास पोलीस हवालदार मंगेश लांडगे हे करत आहे.
