शिक्रापूर (शेरखान शेख): आरणगाव (ता. शिरुर) येथे अज्ञात चोरट्यांनी दिवसाढवळ्या घरात प्रवेश करुन घरातील 4 तोळे वजनाचे सोन्याचे दागिने चोरुन नेल्याची घटना घडली असल्याने शिक्रापूर पोलिसांनी अज्ञात चोरट्यांवर गुन्हे दाखल केले आहे.
आरणगाव (ता. शिरुर) येथील संतोष जाधव शेतात गेलेले असताना त्यांची पत्नी गावामध्ये गेलेली होती, तर आई आजारी असल्याने बाहेर झोपलेली होती. काही वेळाने संतोष यांची पत्नी घरी आली असता तिला घरातील साहित्य अस्ताव्यस्थ पडल्याचे दिसले. त्यामुळे तिने पती संतोष यांना तुम्ही घरातील सामानांची उचकपाचक केली का असे विचारले. त्यामुळे संतोष यांनी घरात पाहणी केली असता सर्व साहित्य पडलेले तर कपाट उघडे असल्याचे दिसले. त्यामुळे त्यांनी कपाटाची पाहणी केली असता कापटाट ठेवलेले पत्नीचे 4 तोळे वजनाचे सोन्याचे दागिने चोरीला गेल्याचे दिसून आले.
याबाबत संतोष लक्ष्मण जाधव (वय ४२) रा. आरणगाव (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार अमोल चव्हाण हे करत आहे.
