शिक्रापूर (शेरखान शेख): शिरुर शहरातील पोस्ट ऑफिस जवळून एका व्यक्तीच्या कारची काच फोडून कार मधील 2 लाख रुपयांची रक्कम लंपास केल्याची घटना घडली असल्याने शिरुर पोलीस स्टेशन येथे अज्ञात चोरट्यांवर गुन्हा दाखल करण्यात आला आहे.
शिरुर येथील पोस्ट ऑफिस जवळ मंगेश महाडिक हे दुपारचे सुमारास काही कामानिमित्ताने आलेले असताना त्यांनी त्यांची एम एच १२ जे ई ०७०७ या कारचे शीट मध्ये 2 लाख रुपये पिशवीत ठेवून वरुन कापडाने झाकून ठेवलेले होते. सायंकाळ चे सुमारास महाडिक हे कार जवळ आले असता त्यांना कारची काच फुटलेली दिसली.
त्यामुळे त्यांनी कार मध्ये पाहणी केली असता कारच्या शीट मध्ये ठेवलेली 2 लाख रुपयांची रक्कम लंपास झाल्याचे त्यांना दिसले. त्यामुळे कारमधील 2 लाख रुपयांची चोरी झाल्याचे निदर्शनास आल्याने मंगेश विठ्ठल महाडिक (वय ३४) रा. उक्कडगाव ता. श्रीगोंदा जि. अहमदनगर यांनी शिरूर पोलीस स्टेशन येथे फिर्याद दिली असल्याने शिरूर पोलिसांनी अज्ञात चोरट्यांवर गुन्हे दाखल केले असून सदर गुन्ह्याचा पुढील तपास पोलीस निरीक्षक सुरेशकुमार राऊत यांच्या मार्गदर्शनाखाली शिरूर पोलिस करत आहे.
