शिक्रापूर (शेरखान शेख): पाबळ (ता. शिरुर) येथे घरगुती वादातून महिलेला शिवीगाळ, दमदाटी करत महिलेला काठीने करुन जखमी केल्याची घटना घडली असल्याने शिक्रापूर पोलीस स्टेशन येथे अजीज बाबूलाल इनामदार याच्या विरुद्ध गुन्हे दाखल करण्यात आले आहे.
पाबळ (ता. शिरुर) शबाना इनामदार या महिलेचा पती अजीज इनामदार वारंवार पत्नीला घरगुती वादातून मारहाण करत असे दोन फेब्रुवारी रोजी पहाटेच्या सुमारास अजीज याने अचानक पत्नीला शिवीगाळ, दमदाटी करत लाकडी दांडक्याने मारहाण केली. त्यानंतर महिलेने तिच्या आई वडिलांना फोन करुन बोलावून घेतले. त्यानंतर महिलेचे आई वडील आले असता अजीज याने त्यांना देखील शिवीगाळ करत दमदाटी केली.
याबाबत शबाना अजीज इनामदार (वय ४०) रा. पाबळ (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अजीज बाबूलाल इनामदार रा. पाबळ (ता. शिरुर) जि. पुणे याच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार गणेश सुतार हे करत आहे.
