शिक्रापूर (शेरखान शेख): शिक्रापूर (ता. शिरुर) येथील पुणे नगर महामार्गालगत बजरंगवाडी येथील ओढ्याच्या पुलावरून एक मालवाहू पिकअप वाहन रात्रीच्या सुमारास पुलावरुन खाली पाण्यात कोसळल्याची घटना घडली असून सुदैवाने चालक सुखरुप बाहेर निघाल्याने दुर्घटना टळली आहे.
शिक्रापूर (ता. शिरुर) येथील पुणे नगर महामार्गावरुन एम एच १२ टी व्ही १२७६ या पिक अप वरील चालक पिकअप मध्ये कोंबड खताच्या पिशव्या घेऊन पुणे बाजूने अहमदनगर बाजूकडे जात असताना पाठीमागून आलेल्या वाहनाने कट मारल्याने चालकाचा पिकअप वरील ताबा सुटून पिकअप चक्क येथील ओढ्याच्या पुलावरुन खाली कोसळली. यावेळी पिकअप वरील चालक धाडसाने पिकअप मधून बाहेर आल्याने दुर्घटना घडली.
सदर घटनेची माहिती मिळताच पोलीस उपनिरीक्षक अमोल खटावकर, पोलीस नाईक आत्माराम तळोले, राकेश मळेकर यांनी सदर ठिकाणी धाव घेत काही नागरिकांच्या मदतीने क्रेनच्या सहाय्याने पुलाखाली पाण्यात कोसळलेली पिकअप पाण्याबाहेर काढली. घडलेल्या घटनेत पिकअपचे मोठ्या प्रमाणात नुकसान झाले असून यामध्ये पिकअप चालक हा किरकोळ जखमी झाला असून त्याचे nav समजू शकले नाही. मात्र गंभीर प्रकार घडून देखील सुदैवाने दुर्घटना टळली आहे.
