न्हावरे (योगेश शेंडगे) शिरुर तालुक्यातील शिरसगाव काटा गावात अज्ञात चोरट्यांनी घरात घुसून सुमारे २ लाख २० हजार रुपये किमतीचे सोन्याचे दागिने चोरुन नेल्याची घटना उघडकीस आली आहे. याबाबत बाबुराव म्हाता गोरे (वय ३६, शिरसगाव काटा, ता. शिरुर, जि. पुणे) यांनी फिर्याद दिल्याने या प्रकरणी शिरुर पोलीस स्टेशनमध्ये गुन्हा दाखल करण्यात आला आहे.
शिरुर पोलिसांनी दिलेल्या माहितीनुसार दि ४ ऑगस्ट २०२५ रोजी सकाळी ९ ते दि ५ ऑगस्ट रोजी १:३० च्या दरम्यान, त्यांच्या राहत्या घरात अज्ञात व्यक्तीने प्रवेश करुन दोन पत्र्याच्या पेट्यांमधील २ तोळे ५ ग्रॅमचे अंदाजे १ लाख रुपये किंमतीचे डोरले तर ३ तोळे वजनाच्या अंदाजे १ लाख २० हजार रुपये किंमतीच्या पुतळ्या असे एकुण २ लाख २० हजार रुपयांच्या सोन्याच्या दागिन्यांची चोरी केली आहे. या घटनेचा पुढील अधिक तपास पोलिस उपनिरीक्षक रमेश कदम हे करत आहेत.
रांजणगावमध्ये जुगार अड्ड्यावर पोलिसांचा छापा; एक आरोपी अटक
शिक्रापुर मध्ये अल्पवयीन विद्यार्थ्याला चार जणांकडुन बेदम मारहाण
