रांजणगाव गणपती (तेजस फडके) अष्टविनायकांपैकी श्री क्षेत्र रांजणगाव महागणपती मंदिरात सकल मराठा बांधवांच्या वतीने मराठा आरक्षणासाठी विशेष प्रार्थना करण्यात आली. मराठा आरक्षण चळवळीचे नेते मनोज जरांगे पाटील यांच्या प्रकृती स्वास्थ्याबरोबरच सरकारने तातडीने मराठा समाजाला आरक्षण द्यावे, या मागणीसाठी गणरायाच्या चरणी सामूहिक प्रार्थना अर्पण करण्यात आली.
यावेळी परिसरातील मराठा बांधव मोठ्या संख्येने उपस्थित होते. मंदिर परिसर “मराठा आरक्षण द्या” या घोषणांनी दुमदुमून गेला होता. श्रद्धाळू बांधवांनी गणरायाच्या चरणी फुलं, नारळ अर्पण करून आरक्षणाच्या मागणीस गती मिळावी, हीच इच्छा व्यक्त केली.
मराठा आरक्षणाच्या प्रश्नावर खासदार-आमदार गप्प का…? रांजणगाव गणपतीत लागले फलक
