शिरुर (अरुणकुमार मोटे): शिरुर शहरातील बाबुरावनगरमधील प्रज्वल गिरे या 8 वर्षीय मुलाला कोणीतरी अज्ञात व्यक्तीने अमिष दाखवून त्याच्या अज्ञातपणाचा फायदा घेत पळवून नेल्याची फिर्याद त्याची आई प्रिती विनोद गिरे यांनी शिरुर पोलिस स्टेशनमध्ये दिली होती. वडिलांकडे जातो, असे सांगून तो घराबाहेर गेला होता.
आई रागावल्याने आईवर रुसुन तो पायी पायी पुणे -नगर रोडवडील बोऱ्हाडे मळा येथील हयुंदाई शोरुम पर्यंत पोहचला होता. तेथील सेक्युरीटी संपत बोरगे रा. वाडेगव्हाण ता. पारनेर याने तात्काळ त्याची विचारपुस करुन त्याला जेवू घालून रात्रभर तेथेच त्याला आश्रय दिला. दुसऱ्या दिवशी तो मुलगा बाबुरावनगर येथे राहत असलेल्या ठिकाणच्या असलेल्या मित्रांना सेक्युरीटीने ही गोष्ट फोनवरुन सांगत त्याच्या घरच्यांना संपर्क करत त्याला घरच्यांच्या हाती स्वाधीन केले.
ह्युंदाई शोमरूमध्ये मुलाला पाहताच त्याचा आई – वडीलांना खुप आनंद झाला. सेक्युरीटीच्या रुपाने त्यांना जणू देवच भेटला होता. त्या मुलाला घेऊन शिरुर पोलिस स्टेशनला हजर होत पोलिसांना तो भेटल्याची माहिती तपास आधिकारी पोलिस उपनिरीक्षक अभिजित पवार यांनी सांगितले.
