शिरुर (अरुणकुमार मोटे) शिरुर शहरातील विशाल नवनाथ शिंदे (वय 21) रा. बाबुरावनगर शिरुर, मुळ (रा. विसापुर ता. श्रीगोंदा जि. अहमदनगर) या युवकाला एका महीलेच्या नवऱ्याने प्रेम प्रकरणाच्या संशयावरुन मित्रांच्या मदतीने मारहाण करुन दमदाटी केल्याने त्याच नैराश्यातुन विशाल शिंदे याने गळफास घेऊन आत्महत्या केली आहे. या प्रकरणी तीन जणांसह इतर २ ते ३ अनोळखी इसमांविरुध्द शिरुर पोलिस स्टेशनमध्ये गुन्हा दाखल झाला आहे.
याबाबत सविस्तर माहिती पुढीलप्रमाणे (दि २५) मार्च रोजी दुपारी १:३० ते २:०० वाजण्याच्या दरम्यान विशाल नवनाथ शिंदे याचे शिरुर येथील एका नर्स सोबत प्रेम संबंध असल्याच्या संशयावरुन तिचा पती अंकुश भालचंद्र भवरे हा त्याच्यासोबत अक्षय लाला मदने, अनिकेत लक्ष्मण घोंगडे तसेच इतर 2 ते 3 अनोळखी साथीदारांना सोबत घेऊन मयत विशाल नवनाथ शिंदे याला तो काम करत असलेल्या चिंतामणी लॅब बोरा हॉस्पीटलजवळ शिरुर, येथुन शनिमंदिराजवळ, लाटे आळी, शिरुर येथे घेऊन गेला. त्यानंतर विशाल याला वरील सर्वांनी मारहाण दमदाटी केली.
त्यामुळे त्यांच्या त्रासाला कंटाळून विशाल शिंदे याने त्याच्या कृष्णई विहार, बाबुराव नगर शिरुर येथील राहत्या घरामध्ये किचन रुममधील सिलींगला असलेल्या लोखंडी हुकला दोरीच्या सहाय्याने गळफास घेवून आत्महत्या केली आहे . याबाबत शिरुर पोलिस स्टेशनमध्ये महीलेचा पती १) अंकुश भालचंद्र भवरे व त्याचे साथीदार २) अक्षय लाला मदने, ३) अनिकेत लक्ष्मण घोंगडे व इतर २ ते ३ अनोळखींविरुध्द कायदेशीर फिर्याद दाखल केली आहे. या घटनेचा पुढील तपास पोलिस निरीक्षक ज्योतीराम गुंजवटे यांच्या मार्गदर्शनाखाली पोलिस उपनिरीक्षक सुनिल उगले हे करत आहेत.
रांजणगाव-बाभुळसर अष्टविनायक महामार्गावर अपघातात एका महिलेचा मृत्यू; वाहनचालक फरार
शिरूर तालुक्यात एका मित्राचा विहिरीत बुडून तर दुसऱ्याने घेतला गळफास…
शिरुर; चिमुकलीच्या मृत्यूस कारणीभुत ठरल्याने कारचालकास एक वर्षाचा कारावास
