संभाजीनगर: छत्रपती संभाजीनगर शहरातील रस्ता रुंदीकरण मोहिमेला आता अधिक गती मिळणार आहे. सोमवार, २८ जुलैपासून तिसऱ्या टप्प्याची मोहीम हर्सूलपासून सुरू होणार आहे.
मागील काही दिवसांत मनपाच्या नगर रचना विभागाने शहरातील मुख्य रस्त्यांवर मार्किंग केली होती. काही जागाधारकांनी स्वखुशीने अतिक्रमण काढले असले तरी आता उर्वरित अतिक्रमणे हटवण्यासाठी महापालिका थेट कारवाई करणार आहे.
सोमवारपासून हर्सूल टी पॉइंट ते समृद्धी पेट्रोल पंपापर्यंत ६० मीटर रुंदीकरणाचे काम सुरू होणार आहे. यानंतर क्रमशः इतर रस्त्यांवरही टप्प्याटप्प्याने पाडापाडी केली जाणार आहे.
रस्ता रुंदीकरणाची रूपरेषा अशी आहे
1) हर्सूल टी पॉइंट ते समृद्धी पेट्रोल पंप : ६० मीटर
2) नारेगाव रोड : ३० मीटर
3. सेवनहिल ते सूतगिरणी चौक 3० मीटर
4) सूतगिरणी चौक ते शहानूर मिया दर्गा चौक २४ मीटर
5) भाजीवालीबाई चौक ते आनंद गाडे चौक २४ मीटर
6) महावीर चौक (बाबा पेट्रोलपंप) ते मिल कॉर्नर ३५ मीटर
7) कॅन्सर हॉस्पिटल ते दिल्लीगेट ३५ मीटर
नागरिकांनी प्रशासनास सहकार्य करावे आणि वेळेत स्वतःहून अतिक्रमण हटवावे, असे आवाहन प्रशासनाकडून करण्यात आले आहे.
