मुंबई: सिद्धांता नॉलेज फाउंडेशन (IKS – Indic Knowledge Systems) एक शैक्षणिक फाउंडेशन असून भारतीय ज्ञान परंपरा, तत्त्वज्ञान, संस्कृती, आणि इतर प्राचीन शास्त्रांमध्ये असलेल्या ज्ञानाचा संवर्धन, अभ्यास आणि प्रसार करण्याचे काम करत आहे. आयकेएस (Indic Knowledge Systems) सामान्यतः भारताच्या प्राचीन ज्ञान परंपरेचे पुनरावलोकन, संवर्धन आणि आधुनिक संदर्भात त्याचे मूल्यांकन करण्याचे कार्य करते.नविन शैक्षणिक धोरणामध्ये अंमलबजावणी करताना या संस्थेचे विद्यापीठाने सहकार्य घ्यावे,आणि आराखडा तयार करावा असे उच्च व तंत्रशिक्षण मंत्री चंद्रकांतदादा पाटील यांनी बैठकीत सांगितले.
मुंबई विद्यापीठ आणि सिध्दांता नॉलेज फाऊंडेशन (आयकेएस)यांच्या समवेत राष्ट्रीय शैक्षणिक धोरण संदर्भात उच्च व तंत्रशिक्षण मंत्री चंद्रकांतदादा पाटील यांच्या अध्यक्षतेखाली तंजावरचे महाराजा राजे बाबाजी भोसले, श्रीमती गायत्री राजे भोसले, मुंबई विद्यापीठाचे कुलगुरू रवींद्र कुलकर्णी,एसएनडीटी महिला विद्यापीठाचे कुलगुरू उज्जवला चक्रवर्ती, सिद्धांता नॉलेज फाउंडेशन अध्यक्ष जयकिशन झवेरी,कार्यकारी संचालक श्री सुदर्शन जी, सत्या अत्रेयम, महाराजा तंजावर टीम प्रीत खोना,वरिष्ठ प्रबंधक प्रमोद निशाणकर उपस्थित होते.
विद्यार्थ्यांसाठी भारतीय ज्ञान पद्धती वर आधारीत विद्यापीठ स्तरावर केल्याची माहिती बैठकीत देण्यात आली तसेच सिद्धांता नॉलेज फाउंडेशनने तयार केलेला अभ्यासक्रम विद्यापीठात व महाविद्यालय स्तरावर भारतीय ज्ञान परंपरेचा अभ्यासक्रमाशी मॅपिंग करून युजी आणि पीजीच्या विद्यार्थ्यांसाठी राजे बाबाजी भोसले, तंजावर व सिद्धांता नॉलेज फाउंडेशनच्या समन्वयाने लागू करता येईल का यावर सविस्तरचर्चा करण्यात आली.
