मुंबई: काल रात्री पवई येथील हॉटेल मिनी पंजाब मधील हाल मध्ये शिवसेना शिंदे गटाचे उमेदवार दिलीप लांडे यांच्या रिद्धी सिद्धी संस्थेच्या तसेच शिंदे गटाच्या उपनेत्या मीनाताई कांबळे व संध्या वढावकर यांनी प्रेशर कुकर, साडी, हॉट-पॉट व इतर गृह उपयोगी सामान वाटप करीत दिलीप लांडे यांनाच मतदान करा असे आवाहन करीत असल्याची तक्रार प्राप्त होताच १६८ चांदिवली निवडणूक कार्यालयातील दक्षता विभाग व पवई पोलीस ठाण्यातील अधिकारी यांनी तात्काळ घटनास्थळी भेट देत पंचनामा करीत तेथील DVR व इतर सामुग्रीसह मुद्दे माल जप्त केला असून पुढील कार्यवाही सुरु केली आहे.
दिलीप लांडे यांच्यावर यापूर्वीही शासकीय पैशातून प्रेशर कुकर घोटाळा केल्याचा अहवाल मनपाच्या दक्षता विभागाने सादर केलेला आहे. ऐन निवडणुकी काळात मतदारांना आकर्षित करण्यासाठी गुह उपयोगी सामान वाटप करीत दिलीप लांडे यांनी सरळ-सरळ आचार संहितेचा भंग केला असून त्यांच्यावर कायदेशीर कार्यवाही करण्याची मागणी स्थानिक लोकांनी केली आहे.
श्रीमती कल्पना गोडे
निवडणूक निर्णय अधिकारी,
१६८ चांदिवली मतदार संघ
