शिरुर शहरात युवकाला मारहाण करत जीवे मारण्याची धमकी

क्राईम शिरूर तालुका

शिक्रापूर: शिरुर (ता. शिरुर) येथील सावतामाळी नगर येथे किरकोळ वादातून युवकाला बेदम मारहाण करत जीवे मारण्याची धमकी देण्यात आल्याची घटना घडली असल्याने शिरुर पोलीस स्टेशन येथे गोवर्धन नारायण साबळे व ऋषिकेश गोवर्धन साबळे या दोघांवर गुन्हे दाखल करण्यात आले आहे.

शिरुर येथील रामलिंग रोड येथे राहणारे मिथुन सिंग व ऋषिकेश साबळे यांच्या मध्ये फोनच्या किरकोळ कारणातून वाद झाला होता. मात्र त्यांनतर ऋषिकेश याने मिथुनला मारहाण करण्यास सुरवात केली यावेळी मिथुनचे चुलते चंद्रपाल हे मध्ये आले असता ऋषिकेश साबळे व त्याचे वडील गोवर्धन साबळे या दोघांनी देखील मिथुन व त्याच्या चुलत्याला बेदम मारहाण करत जखमी करून शिवीगाळ, दमदाटी करत जीवे मारण्याची धमकी दिली.

याबाबत चंद्रपाल गजराज सिंग (वय ४८) रा. रामलिंग रोड शिरुर (ता. शिरुर) जि. पुणे यांनी शिरुर पोलीस स्टेशन येथे फिर्याद दिली असल्याने शिरुर पोलिसांनी गोवर्धन नारायण साबळे व ऋषिकेश गोवर्धन साबळे दोघे रा. घोटीमळा (ता. शिरुर) जि. पुणे यांच्या विरुद्ध गुन्हे दाखल केले असून पुढील तपास पोलीस निरीक्षक सुरेशकुमार राऊत यांच्या मार्गदर्शनाखाली पोलीस नाईक निलेश शिंदे हे करत आहे.