शिक्रापूर (शेरखान शेख): भारतीय जनता पार्टीच्या प्रदेश उपाध्यक्षा चित्रा वाघ या नेहमीच कार्यकर्त्यांच्या अडचणी जाणून घेत त्यांना बळ देत असल्याचे बोलले जात असताना नुकतेच त्यांनी शिरुर तालुक्यातील एका कार्यकर्त्याच्या दुकानात अचानक भेट देत त्यांची विचारपूस करत त्यांना बळ देण्याचे काम केले असल्याचे दिसून आले आहे.
भारतीय जनता पार्टी ओबीसी मोर्चाचे पुणे जिल्हा चिटणीस नवनाथ भुजबळ यांच्या तळेगाव ढमढेरे येथील दुकानात अचानक भारतीय जनता पार्टीच्या प्रदेश उपाध्यक्षा चित्रा वाघ यांनी नुकतीच अचानक भेट दिली. यावेळी भारतीय जनता पार्टी ओबीसी मोर्चाचे पुणे जिल्हा चिटणीस नवनाथ भुजबळ, ज्योती भुजबळ, सामाजिक कार्यकर्ते ज्ञानेश्वर भुजबळ, महेंद्र गजरे, विशाल कऱ्हेकर यांसह आदी उपस्थित होते.
दरम्यान चित्रा वाघ यांनी नवनाथ भुजबळ यांनी केलेल्या सामाजिक कामांचा आढावा घेत व्यवसायाची देखील माहिती घेतली तर राजकारण व समाज कारण करत असताना व्यवसाय देखील सांभाळला पहिले असा सल्ला देत नवनाथ भुजबळ यांचे कौतुक करत पक्षांच्या माध्यमातून त्यांना आवश्यक ती मदत करण्याचे आश्वासन देखील दिले. यावेळी चित्रा वाघ यांचा उपस्थितांच्या वतीने सन्मान करण्यात आला.
