शिक्रापूर (शेरखान शेख): शिक्रापूर (ता. शिरुर) येथील चाकण चौक परिसरात वेश्याव्यवसाय करणाऱ्या महिलेवर शिक्रापूर पोलिसांच्या पथकाने छापा टाकत गुन्हे दाखल केले असल्याची माहिती शिक्रापूर पोलिसांनी दिली आहे.
शिक्रापूर (ता. शिरुर) येथील चाकण चौक परिसरात एक माहोला वेश्याव्यवसाय करत असल्याची माहिती पोलीस निरीक्षक प्रमोद क्षिरसागर यांना मिळाली असता सहाय्यक पोलीस उपनिरीक्षक जितेंद्र पानसरे, महिला पोलीस नाईक प्रतिक्षा टाव्हरे, पोलीस नाईक विकास पाटील, रोहिदास पारखे, किशोर शिवणकर, होमगार्ड चंदाबाई चव्हाण यांनी सदर ठिकाणी जाऊन पाहणी केली असता एक महिला शरीराचे प्रदर्शन करुन नागरिकांना अश्लील हावभाव करुन वेश्याव्यवसाय करण्यास प्रवृत्त करत असल्याचे दिसून आले. यावेळी पोलिसांनी तिला ताब्यात घेतले.
याबाबत महिला पोलीस नाईक प्रतिक्षा बाजीराव टाव्हरे (वय २७) रा. शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिल्याने शिक्रापूर पोलिसांनी सदर महिलेवर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली महिला पोलीस हवालदार उज्वला गायकवाड करत आहे.
