पुणे ग्रामीणचे पोलीस अधीक्षक अंकित गोयल यांचे आवाहन
शिक्रापूर (शेरखान शेख): कोरेगाव भीमा (ता. शिरुर) येथे एक जानेवारी रोजी होणाऱ्या शौर्यदिनाच्या कार्यक्रमासाठी परिसरातील उद्योजक तसेच व्यवसायिक मोठ्या प्रमाणात सहकार्य करत असल्याने प्रत्येक वर्षी होणारा कार्यक्रम शांततेत पार पडत असतो अशाच पद्धतीने कार्यक्रम शांततेत पार पडण्यासाठी परिसरातील उद्योजक व व्यवसायीकांनी नेहमीप्रमाणे सहकार्य करावे, असे आवाहन पुणे ग्रामीणचे पोलीस अधीक्षक अंकित गोयल यांनी केले आहे.
कोरेगाव भीमा (ता. शिरुर) येथे एक जानेवारी रोजी होणाऱ्या कार्यक्रमाच्या बंदोबस्त साठी उपस्थित असणाऱ्या पोलिसांना अन्न पाण्यासह निवासाची व्यवस्था करणाऱ्या कंपनीचे प्रतिनिधी, मंगलकार्यालय, शाळेच्या संस्था चालक यांसह आदींचा सन्मान करण्यात आला.
यावेळी बोलताना पुणे ग्रामीणचे पोलीस अधीक्षक अंकित गोयल यांनी सदर आवाहन केले आहे याप्रसंगी अप्पर पोलीस अधिक्षक मितेश घट्टे, आनंद भोईटे, उपविभागीय पोलीस अधिकारी यशवंत गवारी, राहुल धस, श्रीकांत पाडोळे, पोलीस निरीक्षक हेमंत शेडगे यांसह आदी अधिकारी व पदाधिकारी उपस्थित होते.
