शिक्रापूर: शिक्रापूर (ता. शिरुर) येथे शिक्रापूर चाकण रस्त्यावरुन सकाळच्या सुमारास जाणाऱ्या एका दुचाकी चालकाचा मोबाईल महामार्ग वाहतूक पोलिसांना सापडला असता सदर मोबाईल मूळ मालकाला परत देण्यात आल्याने मोबाईल मालकाने देखील समाधान व्यक्त केले.
शिक्रापूर (ता. शिरुर) येथील शिक्रापूर चाकण रस्त्याने विवेक खामकर हे त्यांच्या पत्नी सह दुचाकीहून चाललेले असताना त्यांचा मोबाईल रस्त्यावर पडला असत मोबाईल पोलीस नाईक अमोल लांगी यांना सापडला. मात्र सदर मोबाईलला पासवर्ड असल्याने त्यांना कोणाला संपर्क करता आला नाही. मात्र खामकर हे चाकण येथे पोहोचल्यानंतर आपला मोबाईल पडला पडल्याचे त्यांच्या लक्षात आले. त्यांनी पत्नीच्या मोबाईल वरुन त्यांच्या मोबाईलवर संपर्क साधला असता अमोल लांगी यांनी सदर मोबाईल आम्हाला सापडला आहे तुम्ही येऊन घेऊन जा असे सांगितले.
त्यामुळे काही तासाने खामकर हे स्वतः सदर ठिकाणी आले. त्यावेळी पोलिसांनी त्यांना सापडलेला मोबाईल खामकर यांच्या स्वाधीन केला. यावेळी महामार्ग पोलीस विभागाचे पोलीस उपनिरीक्षक महेश कोंडूभैरी, पोलीस हवालदार भास्कर, नरसाळे, अभिजित चांदगुडे, अमोल लांगी यांसह आदी उपस्थित होते, तर यावेळी मोबाईल परत मिळाल्याने विवेक खामकर यांनी देखील समाधान व्यक्त करत पोलिसांचे आभार मानले आहे.
