शिक्रापूर: शिक्रापूर (ता. शिरुर) येथे युवा सेनेच्या पदाधिकाऱ्यांच्या पार पडलेल्या बैठकीत राज्यपालांनी केलेल्या आक्षेपार्ह विधानाचा निषेध नोंदवत केंद्र सरकारने राज्यपालांना परत बोलावुन घ्यावे, या मागणीसाठी युवासेना पदाधिकाऱ्यांच्या वतीने स्वाक्षरी मोहीम राबवण्यात आली.
शिक्रापूर (ता. शिरुर) येथे पर्यावरण व राजशिष्टाचार मंत्री युवासेना प्रमुख आदित्य ठाकरे यांच्या आदेशानुसार युवासेना सचिव वरुण सरदेसाई यांच्या मार्गदर्शनाखाली युवासेना राज्यविस्तारक निलेश बडदे यांच्या उपस्थितीत युवासेना पदाधिकाऱ्यांची बैठक पार पडली. याप्रसंगी युवासेना राज्यविस्तारक निलेश बडदे, युवासेना जिल्हाप्रमुख मच्छिंद्र सातव, तालुकाप्रमुख विजय लोखंडे, उपतालुका प्रमुख गोकुळ ढमढेरे, शहरप्रमुख सुनिल जाधव, उपशहरप्रमुख स्वप्नील रेड्डी, संतोष ढमढेरे, नाना गिलबिले, विकास जासुद, आकाश चोरे, संदिप दरेकर, मंगेश भुजबळ, विक्रम ताजणे, शहाजी भंडारे, शहाजी पांडे, संतोष नरवडे, सुदर्शन वागदरे, अमोल पोकळे, सनी गावडे, विजय पंडीत, यश धनी, ज्ञानेश राऊत, गणेश गिलबिले, विकास नरके, सुजीत विरोळे, आकाश सुर्वे, संतोष कांबळे, दादा भिसे, पप्पु खैरे, अमोल आडणे, अमित ढमढेरे, ज्ञानेश्वर शिंदे, अभिषेक सुर्वे यांसह आदी युवासेना पदाधिकारी उपस्थित होते.
दरम्यान युवासेनेच्या संघटना बांधणीचा आढावा राज्यविस्तारक निलेश बढे व जिल्हाप्रमुख मच्छिंद्र सातव यांनी घेत तळागाळात जाऊन संघटना बांधणीचे काम करण्याचा कानमंत्र पदाधिकाऱ्यांना दिला. यावेळी राज्यपालांनी केलेल्या आक्षेपार्ह विधानाचा तसेच मराठी माणसांचा कायम अपमान करणाऱ्या राज्यपालांचा निषेद नोंदवुन राज्यपालांना केंद्रसरकार ने परत बोलावुन घ्यावे, यासाठी युवासेना शिरुर तालुक्याच्या वतीने स्वाक्षरी मोहीम राबवण्यात आली. तर यावेळी युवासेना तालुकाप्रमुख विजय लोखंडे यांनी सर्वांचे आभार मानले.
