शिक्रापूर (शेरखान शेख): जातेगाव बुद्रुक (ता. शिरुर) येथील अक्षय अशोक वारे या युवकाची नुकतीच भारतीय अग्निवीर म्हणून निवड झाली असून ग्रामस्थांच्या वतीने त्याचा सन्मान करण्यात आला आहे.
जातेगाव बुद्रुक (ता. शिरुर) येथील अक्षय अशोक वारे या युवकाने भारतीय लष्कर, सैन्य दल नंतर कार्यरत असणाऱ्या अग्नीवीर परीक्षेत सहभाग घेतला होता. सदर परीक्षा उत्तीर्ण होत अक्षयची नुकतीच अग्नीविरात निवड झाली आहे. अक्षयच्या यशाबद्दल त्याचा माजी सैनिकांसह ग्रामस्थांच्या वतीने नुकताच त्याचा सन्मान करण्यात आला.
यावेळी पंचायत समितीचे माजी सभापती सुभाष उमाप, माजी उपसरपंच साहेबराव खळदकर, माजी सैनिक सुरेश उमाप, गणेश उमाप, हौशीराम क्षिरसागर, सुभाष खंडाळे, संदीप खंडाळे यांसह आदी पदाधिकारी उपस्थित होते. तर यावेळी बोलताना देश सेवेची ओढ असताना देशाची सेवा करण्याची संधी मिळत असल्याने आनंद वाटत असल्याचे अक्षय वारे याने सांगितले.
