रांजणगाव गणपती (किरण पिंगळे): जांबुत (ता. शिरुर) येथे बिबट्याच्या हल्ल्यात मृत्युमुखी पडलेल्या पूजा नरवडे हिच्या कुटुंबियांची जनता दल प्रदेशाध्यक्ष नाथाभाऊ शेवाळे यांनी भेट घेतली.
नरवडे कुटूंबियांना शासनाकडून मदत मिळवून देण्यासंदर्भात संबंधित वन अधिकारी सातपुते तसेच म्हसेकर यांच्या सोबत चर्चा केली असता वनविभागाकडून 10 लाख रुपयांची मदत मिळाली असुन परत 10 लाख देणार असल्याचे सांगत लवकरात लवकर बिबट्याचा शोध लावून जरेबंद करण्यासाठी सुचना दिल्या.
यावेळी वाघाळे गावचे माजी सरपंच पप्पू भोसले, जांबुत गावचे सरपंच दत्ता दुरी, सेवा निवृत्त ग्रामविकास अधिकारी उत्तम जगताप, सोसायटी संचालक शरद राणे, शिरुर तसेच जुन्नर चे वनविभागाचे अधिकारी उपस्थित होते.
प्रशासन जरी युद्ध पातळीवरती काम करत असेल तरीही पुन्हा अशा घटना घडू नयेत यासाठी वनविभागाने काळजी घ्यावी, असे जनता दलाचे प्रदेशाध्यक्ष नाथाभाऊ शेवाळे यांनी सांगितले.
