शिक्रापूर: वढू बुद्रुक (ता. शिरुर) येथील राष्ट्रवादी काँग्रेसच्या महिला कार्यकर्त्या डॉ. वर्षा शिवले यांची नुकतीच राष्ट्रवादी महिला काँग्रेसच्या प्रदेश चिटणीसपदी नियुक्ती करण्यात आली असून राष्ट्रवादी महिला काँग्रेसच्या विद्या चव्हाण यांनी डॉ. वर्षा शिवले यांना नियुक्तीचे पत्र दिले आहे.
वढू बुद्रुक (ता. शिरुर) येथील राष्ट्रवादी काँग्रेसच्या महिला कार्यकर्त्या डॉ. वर्षा शिवले या राष्ट्रवादी पक्षाशी एकनिष्ठ असून त्यांनी यापूर्वी तालुकाध्यक्ष, शासकीय समिती सदस्य, अहमदनगर जिल्हा निरीक्षक, पुणे जिल्हा बँकेचे संचालकपद भूषवित पक्षाची ध्येय धोरणे सर्वसामान्यांपर्यंत पोहचवली आहेत, काही दिवसांपूर्वी त्यांनी नुकतेच शरद पवार यांच्यावर आधारित ॲग्री विथ कल्चर हे पुस्तक छापले आहे.
डॉ. शिवले यांच्या कार्याची दखल घेत त्यांची राष्ट्रवादी महिला काँग्रेसच्या प्रदेश चिटणीसपदी नियुक्ती करण्यात आली आहे, तर निवडीबाबत बोलताना राष्ट्रवादीचे नेते शरद पवार, महिला राष्ट्रीय अध्यक्षा फौजिया खान, महिला प्रदेशाध्यक्ष विद्या चव्हाण, प्रदेशाध्यक्ष जयंत पाटील, विरोधी पक्षनेते अजित पवार, खासदार सुप्रिया सुळे यांच्या मार्गदर्शनाखाली पक्ष मजबूत व बळकट करत येत्या लोकसभा व विधानसभा निवडणुकीसाठी महिलांना तेहतीस टक्के आरक्षणाची मागणी करणार असल्याचे डॉ. वर्षा शिवले यांनी सांगितले.
