शिक्रापूर: लांडेवस्ती (ता. शिरुर) येथील जिल्हा परिषद प्राथमिक शाळेतील स्वरांजली संतोष धायरकर, सिद्धी भरत आढाव, नम्रता गणेश भुजबळ या विद्यार्थिनींनी भारत देशाचे स्वातंत्र्याचे अमृत महोत्सवी वर्ष निमित्ताने पुणे जिल्हा परिषदेने आयोजित केलेल्या स्पर्धेमध्ये सहभाग घेतला होता.
यावेळी लांडेवस्ती शाळेतील केंद्रस्तर स्पर्धेमध्ये स्वरांजली संतोष धायरकर या विद्यार्थिनीने एकपात्री नाटिका राणी लक्ष्मीबाई यामध्ये प्रथम क्रमांक मिळवला असून तिला मुख्याध्यापिका रेशमा शेख व विजया लोंढे यांनी मार्गदर्शन केले, तर यशस्वी विद्यार्थिनी व शिक्षकांचे विस्तारअधिकारी वंदना शिंदे, केंद्रप्रमुख श्रीहरी पावसे, शालेय व्यवस्थापन समितीचे अध्यक्ष दशरथ आढाव, ग्रामपंचायत सदस्या स्वाती लांडे, माजी उपसरपंच उज्वला भुजबळ, मोहन भुजबळ यांनी अभिनंदन केले आहे.
