शिक्रापूर (शेरखान शेख): शिक्रापूर (ता. शिरुर) येथील शिक्रापूर चाकण रस्त्यावर अनेक ठिकाणी रस्त्यावर खड्डे पडल्याने सध्याच्या वाहतूक कोंडीत अनेक अपघात होत असल्याने स्थानिक युवकांनी पुढाकार घेत सामाजिक बांधिलकी जपत रस्त्यावर खड्डे सिमेंट काँक्रीटने बुजवत आदर्श निर्माण केला आहे.
शिक्रापूर (ता. शिरुर) येथील शिक्रापूर चाकण रस्त्यावर अनेक ठिकाणी खड्डे पडलेले असून पावसाच्या पाण्यामुळे नागरिकांना खड्डे दिसत नसल्याने अनेक वाहन चालकांना रस्त्यांवरील खड्डे दिसत नसल्याने अपघात होऊन काही नागरिकांना दुखापत देखील झालेल्या असल्याने येथील सामाजिक कार्यकर्ते सचिन खेडकर, गौरव जाधव, अमोल बैलभर, गौतम जाधव, अमोल काकडे, बळीराम नाईकरे यांसह आदींनी स्वखर्चाने चाकण चौक तसेच तोल नाका परिसर येथील रस्त्यावरील खड्डे बुजवून सामाजिक बांधिलकी जपली आहे, तर युवकांनी केलेल्या सामाजिक कार्यामुळे वाहन चालक देखील समाधान व्यक्त करत असून परिसरातून युवकांचे कौतुक होत आहे.
