शिक्रापूर (शेरखान शेख): तळेगाव ढमढेरे (ता. शिरुर) येथील स्व. सैनिक रायकुमार बी गुजर प्रशालेत महात्मा गांधी जयंती व माजी पंतप्रधान लालबहादूर शास्त्री यांची पुण्यतिथी उत्साहात साजरी करत महात्मा गांधी व लालबहादूर शास्त्री यांना अभिवादन करण्यात आले.
तळेगाव ढमढेरे (ता. शिरुर) येथील स्वातंत्र्यसैनिक रायकुमार बी गुजर प्रशालेत महात्मा गांधी जयंती व माजी पंतप्रधान लालबहादूर शास्त्री पुण्यतिथी निमित्त आयोजित कार्यक्रमात प्रशालेचे पर्यवेक्षक मोहन ओमासे, सांस्कृतिक मंडळाचे अध्यक्ष शिवाजीराव आढाव, ज्युनिअर कॉलेजचे प्राध्यापक कुंडलिक कदम, मुख्याध्यापिका सुवर्णा चव्हाण, उपमुख्याध्यापिका सुनीता पिंगळे, उपशिक्षक रवींद्र सातपुते, नंदा सातपुते यांच्या हस्ते महात्मा गांधी व लालबहादूर शास्त्री यांच्या प्रतिमेचे पूजन करण्यात आले.
याप्रसंगी प्रशालेचा विद्यार्थी सुजल भुजबळ, संग्राम ढमढेरे, काजल भुजबळ, गीता ढमढेरे यांनी महात्मा गांधी व लालबहादूर शास्त्री यांच्या विषयी माहितीपर मनोगत व्यक्त केले तसेच प्रशालेच्या उपशिक्षिका नंदा सातपुते यांनी महात्मा गांधीजींचे राम भजनाचे गायन केले. सदर कार्यक्रमाचे सूत्रसंचालन प्रशालेची विद्यार्थिनी कार्तिकी सावंत हिने केले तर उपशिक्षक नितीन माने यांनी आभार मानले.
