सविंदणे (अरुणकुमार मोटे): सविंदणे (ता. शिरुर) येथील रहिवाशी व युनिक स्पोर्ट्स क्लबच्या शूटिंग मधिल नेमबाज खेळाडू अभिषेक लहू कामठे याची शासनाच्या क्रिडा प्रबोधिनी मधे निवड झाली आहे. अभिषेक कामठे व सौम्या खेडकर यांचा या निवडीमध्ये समावेश करण्यात आला आहे.
राष्ट्रीय नेमबाज अभिषेक कामठे याचा 10 मिटर एअर रायफल प्रकारामधून बालेवाडी पुणे येथे क्रिडा प्रबोधिनी मध्ये निवड झाली आहे़. तर सौम्या खेडकर हिची 10 मिटर एअर रायफल प्रकारात खेलो इंडियाच्या स्टेट एक्सलन्स सेंटरमध्ये निवड करण्यात आली. क्रिडा प्रबोधिनी पुणे बालेवाडी येथील निवड चाचणीतून दोघांची निवड करण्यात आली़
दोघांनाही प्रशिक्षक शरद तरटे यांचे मार्गदर्शन लाभले. या निवडीमुळे शिरुर तालुक्यातील नागरीकांकडून दोघांवरही कौतुकाचा वर्षाव होत आहे.
