रांजणगाव गणपती (किरण पिंगळे-शेलार) शिक्रापुर (ता. शिरुर) येथील सामाजिक कार्यकर्त्यां सुरेखा सुरेश गायकवाड यांची आझाद समाज पार्टीच्या पुणे जिल्हा उपाध्यक्षपदी नुकतीच निवड करण्यात आली. सुरेखा गायकवाड यांनी यापुर्वी आझाद समाज पार्टीच्या शिरुर तालुकाध्यक्षा म्हणुन काम केले आहे.
सुरेखा गायकवाड या नेहमीच शिरुर तालुक्यात महिलांच्या अनेक समस्या सोडविण्यासाठी पुढाकार घेत असतात. तसेच आझाद समाज पार्टीच्या माध्यमातून त्यांनी कारेगाव, शिक्रापुर, रांजणगाव औद्योगिक वसाहतीत काम करणाऱ्या महिलांच्या विविध समस्या सोडविण्यासाठी प्रयत्न केले आहेत.
या निवडीनंतर बोलताना गायकवाड म्हणाल्या, आझाद समाज पार्टीचे पुणे शहर व जिल्हाध्यक्ष तेजिंदर सिंग आलुवालिया यांच्या मार्गदर्शनाखाली या पुढे समाजातील तळागाळातील सर्वसामान्य लोकांपर्यंत आझाद समाज पार्टीची ध्येय धोरणे पोहचविण्यासाठी काम करणार आहे. तसेच जिल्ह्यातील महिलांच्या विविध समस्या सोडविण्यासाठी कायमच पुढाकार घेणार आहे.
