शिक्रापूर (शेरखान शेख): शिक्रापूर (ता. शिरुर) येथील एका कंपनीतील कामासाठी आणलेले स्टेनलेस स्टीलचे बार तसेच ॲल्युमिनियमच्या काही प्लेटा अज्ञात चोरट्यांनी चोरुन नेल्याची घटना सीसीटीव्ही मध्ये कैद झाली असून शिक्रापूर पोलीस स्टेशन 2 अज्ञात चोरट्यांवर गुन्हे दाखल करण्यात आले आहे.
शिक्रापूर (ता. शिरुर) येथील बजरंगवाडी येथे अल्नाटेक प्रोपॅक सिस्टीम या कंपनीमध्ये कामासाठी लागणारे स्टेनलेस स्टीलचे बार व काही ॲल्युमिनियमच्या प्लेटा आणून ठेवलेल्या होत्या, कंपनीतील कर्मचारी कंपनी मध्ये काम करत असताना त्यांना सदर ठिकाणच्या काही प्लेटा व बार नसल्याचे दिसून आले त्याबाबत त्यांनी कंपनीचे एच आर मॅनेजर भरत दिघे यांना माहिती दिली असता त्यांनी कंपनीमध्ये पाहणी केली असता कोठेही सदर बार व ॲल्युमिनियमच्या काही प्लेटा नसल्याचे दिसून आले. त्यामुळे त्यांनी कंपनीतील सीसीटीव्ही फुटेल तपासले असता 2 युवकांनी कंपनीच्या भिंतीवरुन आतमध्ये उद्या मारुन कंपनीतील सदर साहित्य चोरुन नेल्याचे दिसून आले.
याबाबत भरत सोपानराव दिघे (वय ३२) रा. मोडकई वस्ती रांजणगाव गणपती (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी 2 अज्ञात युवकांवर गुन्हे दाखल केले असून सदर गुन्ह्याचा पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार श्रवण गुपचे हे करत आहे.
