शिरुर (अरुणकुमार मोटे) अनाथांची माई पद्मश्री डॉ.सिंधुताई सपकाळ यांच्या माईनगरी शिरूर घोडनदी येथील मनःशांती छात्रालय अनाथ आश्रमाला उपमुख्यमंत्री अजित पवार यांनी सदिच्छा भेट देऊन आश्रमातील विद्यार्थ्यांसोबत वाढदिवस साजरा केला. पद्मश्री सिंधुताई सपकाळ यांनी स्थापन केलेल्या शिरूर येथील मनःशांती अनाथ आश्रमातील अनाथ,गरजू आणि निराधार विद्यार्थ्यांसोबत मनमोकळ्या गप्पा मारत वाढदिवस साजरा केला.
तसेच आश्रमातील गुणवंत विद्यार्थ्यांना त्यांनी सन्मानित केले. पद्मश्री सिंधुताई सपकाळ माईंचे कार्य आणि त्याग विद्यार्थ्यांना सांगून माईंविषयी आदर व्यक्त केला आणि संस्थेची माहिती जाणून घेतली. संस्थेची माहिती घेऊन अजित पवारांचे मन भारावून गेले. त्यांनी अनाथ व गरजु मुलांबरोबर संवाद साधून संस्थेचे अध्यक्ष विनय सिंधुताई सपकाळ यांना मुलांसाठी संस्थेला काहीही गरज पडल्यास निसंकोचपणे संपर्क करावा अशा सूचना दिल्या. यावेळी संस्थेचे अध्यक्ष विनय सिंधुताई सपकाळ, कार्यकारी अध्यक्ष यश सूर्यवंशी, प्रकल्प व्यवस्थापक सचिन ढोरमले, अधिक्षीका मिनाक्षी लटांबळे, अधिक्षक दिनेश लोखंडे, शिक्षक वृंद आणि कर्मचारी वर्ग उपस्थित होता.
शिरुर तालुका डॉट कॉम; च्या बातमीचा प्रभाव; शिरुर न्यायालयाने केली नियमित बंदुकधारी पोलिसाची मागणी
शिरुर तालुक्यातील करडे गावात निवडणुकीची रणधुमाळी सुरु; जनतेतुन सरपंचपदासाठी अनेकजण इच्छुक
शिरुर न्यायालयाच्या आवारात माजी उपसरपंचांच्या धिंगाण्यानंतर पुन्हा मित्र-मैत्रिणीची हाणामारी
