शिरुर (अरुणकुमार मोटे): शिरुर शहरात पुन्हा एकदा सोनसाखळी चोरांनी हौदास घातला असून सिमा अमर ओहोळ (वय ३५) या महिलेच्या गळयातील सोन्याचा गंठण अज्ञात चोरट्यांनी दुचाकीवर येवून हिसकावून नेला आहे. महीनाभरातील ही दुसरी घटना शिरुर शहरात घडली आहे.
याबाबत सविस्तर हकीकत अशी की, (दि.२८) नोव्हेंबर रोजी सायंकाळी १४:३० वा.चे सुमारास मौजे शिरुर गावच्या हद्दीत विद्याधाम प्राथमिक शाळा शिरुर येथून फिर्यादी सिमा ओहोळ या त्यांच्या घरी गुजर मळा येथे नर्मदा डेरी समोरील रस्त्याच्या भापकर स्टेशनरी दुकानाच्या समोरील रस्त्याचे डाव्या बाजूने जात असताना समोरुन माऊली हॉस्पिटलचे बाजू कडून दुचाकी वाहनावरील एक अनोळखी व्यक्तीने फिर्यादीच्या गळ्यातील गंठण त्याच्या हाताने जोरात हिसडा मारुन जबरीने चोरुन नेले आहे. सदर अनोळखी व्यक्तीविरुद्ध कायदेशीर तक्रार शिरुर पोलिस स्टेशनमध्ये गुन्हा दाखल झाला आहे. पुढील तपास पोलिस उपनिरीक्षक एकनाथपाटील हे करत आहे.
