शिरुर (अरुणकुमार मोटे): शिरुर तालुक्यातील बेट भागात चोऱ्यांचे सत्र सुरु असून नुकतीच पिंपरखेड येथे जबरी चोरी झाली आहे. तर कवठे येमाईच्या काळुबाई नगर येथून अज्ञात चोरट्यांनी दुचाकी चोरून नेली आहे.
याबाबत सविस्तर हकीकत अशी की, (दि. २१) रोजी पहाटे ४ वाजण्याच्या दरम्यान मौजे काळुबाईनगर, कवठे येमाई गावाचे हद्दीत फिर्यादी मनोहर वसंत नरवडे यांचे रहाते घरासमोर पार्क केलेली मोटारसायकल कोणीतरी ‘अज्ञात चोरटयाने स्वतःचे फायदयाकरीता मुद्दाम लबाडीचे इरादयाने चोरुन नेली आहे. म्हणुन अज्ञात चोरट्याविरुध्द मनोहर नरवडे यांनी शिरूर पोलिस स्टेशन येथे फिर्याद दाखल केली आहे. पुढील तपास पोलिस हवालदार अनिल आगलावे हे करत आहे.
वाहनमालकांनी आपल्या टु व्हिलर, फोर व्हिलर गाड्या सुरक्षित ठिकाणी पार्क कराव्यात. शक्यतो सीसीटीव्ही कॅमेराच्या निगराणीखाली आपल्या गाडया पार्क कराव्या. रात्रीच्या वेळी सशंयास्पद हालचाली वाटल्यास तात्काळ पोलिसांशी संपर्क करावा.
सुनिल उगले (पोलिस उपनिरीक्षक, शिरुर)
