बेट भागात चोऱ्यांचे सत्र सुरुच
शिरुर (अरुणकुमार मोटे): जांबुत (ता. शिरुर) येथील गावठाणातील महेंद्र जाधव यांचे रामकृष्ण हरी वस्त्र भांडार अज्ञात चोरट्यांनी मध्यरात्रीच्या सुमारास पाठीमागच्या बाजूने पत्रा व प्लायवूड तोडून फोडले आहे.
दुकानात प्रवेश न करता बाहेरुनच किरकोळ कपडे अज्ञात चोरट्यांनी चोरुन नेले आहे. रात्रगस्त सुरु असतानाही चोरटे घाबरत नसल्याचे चित्र समोर येत आहे. काही दिवसांपुर्वी पिंपरखेड येथे जबरी चोरी झाली असताना पुन्हा दुसऱ्या दिवशी चोरीच्या उद्देशाने आलेले चोरटे पोलिसांच्या सतर्कतेमुळे गाडी सोडून पळून गेले होते.
बेट भागात पक्के बांधकाम न करता चहूबाजूने पत्र्याची मांडणी करुन अनेक प्रकारची मोठी दुकाने थाटली आहे. त्यात लाखो रुपयांचा माल ते ठेवत आहे. बाजूचा पत्रा उचकटून अनेक चोरीच्या घटना घडत असताना सुरक्षिततेच्या दृष्टीकोणातूनही ही अतिशय चुकीची बाब आहे. नुसते पोलिसांवर अवलंबुन न राहता आपली दुकाने सीसीटीव्ही कॅमेरे व पक्क बांधकाम असणाऱ्या ठिकाणी सुरु करणे गरजेचे आहे.
