शिक्रापूर: कोंढापुरी (ता. शिरुर) येथे जमीन मालकाच्या संमतीशिवाय त्याच्या जमिनीत जात जमीन मालकासह त्याच्या आईला शिवीगाळ, दमदाटी करत मारहाण करण्यात आल्याची घटना घडली असल्याने शिक्रापूर पोलीस स्टेशन येथे हनुमंत पांडुरंग डोमाळे, कल्पना हनुमंत डोमाळे व संतोष पोपट डोमाळे यांच्या विरुद्ध गुन्हे दाखल करण्यात आले आहे.
कोंढापुरी (ता. शिरुर) येथील योगेश गायकवाड हे त्यांच्या जागेमध्ये असताना शेजारील जागा मालक हनुमंत डोमाळे यांच्या सांगण्यावरुन त्याची पत्नी कल्पना डोमाळे हि गायकवाड यांच्या जागेत येत योगेश यांना शिवीगाळ, दमदाटी करत डोक्यात दगड घालून मारण्याची धमकी देऊ लागली. यावेळी योगेशची आई मध्ये आल्याने कल्पना डोमाळे हिने योगेशच्या आईला देखील मारहाण केली तसेच संतोष डोमाळे याने दोघांना शिवीगाळ, दमदाटी केली.
याबाबत योगेश सदाशिव गायकवाड (वय ४२) रा. कोंढापुरी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी हनुमंत पांडुरंग डोमाळे, कल्पना हनुमंत डोमाळे, संतोष पोपट डोमाळे सर्व रा. डोमाळे वस्ती कोंढापुरी (ता. शिरुर) जि. पुणे यांच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार सचिन मोरे हे करत आहे.
