शिरूर (अरुणकुमार मोटे): शिरूर तालुक्यात बेकायदेशीर सावकारी व्यवसाय करणाऱ्यावर शिरूर पोलिस स्टेशन येथे गुन्हा दाखल करण्यात आला आहे. याबाबतचा पुढील तपास पोलिस करत आहेत.
शिरूर तालुक्यातील डोंगरगण येथील सुरेश रभाजी चोरे याच्या घराची सहाय्यक निबंधक यांच्या पथकाने केलेल्या झडती कारवाई मध्ये जप्त केलेले खरेदीखत दस्तऐवज व धनलक्ष्मी अकांऊट बुक नाव असलेल्या लाल रंगाची खतावाणी नोंदवही मध्ये व्यक्तींना व्याजाने पैसे दिले असल्याबाबतच्या नोंदी करण्यात आलेल्या आहेत. विलास रंगनाथ चोरे यांच्या तक्रारी अर्जावरून घरामध्ये सापडलेल्या कागदपत्रामुळे सहाय्यक निबंधक कार्यालयातील दिपक यशवंत वराळ यांनी बेकायदेशीर सावकारी व्यवसाय केल्याचे निदर्शनात आल्याने शिरूर पोलिस स्टेशनला सावकारकीचा गुन्हा दाखल करण्यात आला आहे.
पथकाने सादर केलेल्या खरेदीखत दस्तऐवज क्रमांक 329/2020 नुसार लिहून देणार विलास रंगनाथ चोरे व लिहुन घेणार-सुरेश रभाजी चोरे यांचे मुळ खरेदीखत व लाल रंगाची धनलक्ष्मी अकांऊट बुक नाव असलेल्या खतावाणी नोंदवहीमध्ये अर्जदार यांचा मुलगा सतिश विलास चोरे यांना व्याजाने पैसे दिल्याबाबतची नोंद आहे. तसेच इतर व्यक्तींना व्याजाने पैसे दिल्याबाबतच्या नोंदी सदर खतावणीमध्ये आढळून आलेल्या आहे.
अर्जदार विलास रंगनाथ चोरे यांनी सहाय्यक निबंधक कार्यालयात दाखल केलेल्या मुळ अर्जासोबतच्या कागदपत्रांवरुन तसेच घरझडतीवेळी मिळालेले दस्ताऐवज व नोंदवहीतील नोंदीवरून सुरेश रभाजी चोरे हे बेकायदेशीर सावकारी व्यवसाय करीत आहेत असे दिसून आल्याने त्याच्यावर शिरूर पोलिस स्टेशनला गुन्हा दाखल करण्यात आला आहे. या गुहयाचा पुढील तपास पोलिस उपनिरीक्षक सुनिल उगले हे करत आहे.
कोरेगाव भिमातील कंपनीची अठरा टक्क्यांची सावकारी
सर्वसामान्य नागरिकांच्या गळ्याला लागतोय बेकायदेशीर सावकारीचा चांगलाच फास
शिक्रापूरात महिलेच्या फसवणूक व सावकारी प्रकरणी एकावर गुन्हा
ग्रामीण भागातील नागरिकांच्या गळ्याला सावकारीचा फास
खळबळजनक; पुण्यात खासगी सावकाराने पैशासाठी पतीच्या समोरच केला पत्नीवर बलात्कार
