शिक्रापूर (शेरखान शेख): सणसवाडी (ता. शिरुर) येथील चेअरमन वस्ती परिसरात पहाटेच्या सुमारास चोरीच्या उद्देशाने संशयितपणे फिरणाऱ्या युवकाला शिक्रापूर पोलिसांनी नागरिकांच्या मदतीने जेरबंद करत त्याच्यावर गुन्हे दाखल करुन त्याला अटक केली असून नितीन मल्लिनाथ पाटील असे शिक्रापूर पोलिसांनी जेरबंद केलेल्या आरोपीचे नाव आहे.
सणसवाडी (ता. शिरुर) येथील चेअरमन वस्ती परिसरात नवनाथ दरेकर यांच्या घराच्या परिसरात चोर आल्याची माहिती शिक्रापूर पोलिसांना मिळाली त्यांनतर पोलीस नाईक अतुल पखाले, होमगार्ड मनोहर पुंडे यांनी सदर ठिकाणी जात पाहणी केली असता त्यांना तेथे एक युवक संशयितपणे दिसून आला मात्र तो पळून जाऊ लागला. दरम्यान पोलिसांनी येथील नवनाथ दरेकर, संपत दरेकर, संतोष राजळे यांच्या मदतीने सदर युवकाला पकडले त्याच्याकडे चौकशी केली असता तो उडवा उडवीची उत्तरे देऊ लागला.
दरम्यान सदर युवक हा चोरीच्या उद्देशाने फिरत असल्याचे निदर्शनास आल्याने याबाबत पोलीस नाईक अतुल पखाले रा. शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी नितीन मल्लिनाथ पाटील (वय २१) रा. वांगी मंदृप ता. दक्षिण सोलापूर जि. सोलापूर याच्या विरुद्ध गुन्हे दाखल करत त्याला अटक केली असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस नाईक रविकिरण जाधव हे करत आहे.
