शिक्रापूर (शेरखान शेख): सणसवाडी (ता. शिरुर) येथील ड्यूरोसॉक्स प्रायवेट लिमिटेड कंपनीतील महागडा पार्ट चोरीला गेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यावर गुन्हे दाखल करण्यात आले आहे.
सणसवाडी (ता. शिरुर) येथील ड्यूरोसॉक्स प्रायवेट लिमिटेड कंपनीमध्ये कामासाठी कॉपर प्लोटिंग झिग नावाने आठ महागडे पार्ट आणून ठेवलेले होते. 14 फेब्रुवारी रोजी कंपनीचे सुपरवायझर कंपनीत फेरफटका मारत असताना त्यांना ठेवलेल्या 8 पार्ट पैकी 1 पार्ट नसल्याचे दिसून आले त्यामुळे त्यांनी प्रोडक्शन मॅनेजर जमीर शेख यांना माहिती देत सर्वत्र पार्टची पाहणी केली असता कोठेही मिळून आला नाही तर पार्ट चोरीला गेल्याचे निदर्शनास आल्याने याबाबत जमीर आयुब शेख (वय ३६) रा. मुकुंदनगर जि. अहमदनगर यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस उपनिरीक्षक मुन्ना मुत्तनवार हे करत आहे.
