शिक्रापूर (शेरखान शेख): वाजेवाडी (ता. शिरुर) येथील मांजरेवाडी येथे एका घराचा पाठीमागील बाजूचा दरवाजाचे कडी कोयंडा तोडून घरातील रोख रकमेसह सोन्याचे दागिने चोरून नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यांवर गुन्हे दाखल करण्यात आले आहे.
वाजेवाडी (ता. शिरुर) येथील मांजरेवाडी येथे राहणारे रामदास मांजरे काही कामानिमित्ताने घराला कुलूप लावून बाहेरगावी गेले होते. दुसऱ्या दिवशी दुपारच्या सुमारास मांजरे घरी आले असता त्यांना घराच्या पाठीमागील दरवाजाचे कडी कोयंडे तुटल्याचे दिसले. त्यामुळे त्यांनी घरात जात पाहणी केली असता घरातील कपाट उघडलेले व साहित्य अस्ताव्यस्थ पडल्याचे दिसून आले. त्यामुळे त्यांनी कपाटाची पाहणी केली असता कपाटातील साथ हजार रुपये रोख रक्कम व सोन्याच्या अंगठ्या चोरीला गेल्याचे निदर्शनास आले.
याबाबत रामदास शिवाजी मांजरे (वय 34) रा. मांजरेवाडी वाजेवाडी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यांवर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार आजिनाथ शिंदे हे करत आहे.
