शिक्रापूर (शेरखान शेख): शिरुर तालुक्यात एका व्यक्तीसह त्याच्या घराच्या व्यक्तींनी विवाहितेचा शारीरिक व मानसिक छळ करत पत्नीला मारहाण करुन पत्नीवर अनैसर्गिक संभोग केल्याची घटना घडल्याने शिक्रापूर पोलीस स्टेशन येथे विवाहितेच्या पती सह आदी 6 जणांवर शिक्रापूर पोलीस स्टेशन येथे गुन्हे दाखल करण्यात आले आहे.
निमगाव म्हाळुंगी (ता. शिरुर) येथील विवाहितेला तिचा पतीने वेळोवेळी मारहाण करत शारीरिक व मानसिक छळ केला. याबाबत विवाहितेने तिच्या सासू सासऱ्यांनासह आदींना सांगितले असता त्यांनी देखील तिला शिवीगाळ, दमदाटी करत मारहाण केली. तसेच तिच्या पतीने वारंवार तिच्याशी अनैसर्गिक संभोग केला. याबाबत विवाहितेने वारंवार तिच्या आईला माहिती दिली. परंतु विवाहीतेला जास्तच त्रास होऊ लागल्याने तिने आपले माहेर गाठत पुणे पोलिसांत तक्रार दिली.
दरम्यान पुणे पोलिसांनी गुन्हा दाखल करत सदर गुन्हा शिक्रापूर पोलिसांकडे वर्ग केला असल्याने शिक्रापूर पोलिसांनी विवाहितेच्या पती सह आदी 6 जणांवर गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली महिला पोलीस उपनिरीक्षक माधुरी झेंडगे या करत आहे.
