शिक्रापूर (शेरखान शेख): विठ्ठलवाडी (ता. शिरुर) येथे घरगुती वादातून एका महिलेच्या पती व सासऱ्याने महिलेला मारहाण केल्याची घटना घडली असल्याने शिक्रापूर पोलीस स्टेशन येथे चंद्रकांत नारायण गवारे, कुणाल चंद्रकांत गवारे व धनश्री विजय गवारे यांच्या विरुद्ध गुन्हे दाखल करण्यात आले आहे.
विठ्ठलवाडी (ता. शिरुर) येथील कांचन गवारे यांचे घरगुती वाद झालेले असल्याने महिला माहेरी गेलेली होती. चार दिवसांनी महिला परत घरी आली असता घराला कुलूप असल्याने तिने मुलाला सासऱ्यांकडून चावी आणण्यास सांगितले. यावेळी महिलेचा सासरा चंद्रकांत गवारे सदर ठिकाणी येत महिलेला शिवीगाळ करु लागला यावेळी महिलेची जाऊ धनश्री गवारे हिने महिलेच्या सासऱ्याला काठी आणून दिली असता सासऱ्याने महिलेला काठीने मारहाण करण्यास सुरुवात केली. त्यानंतर लगेचच महिलेच्या पतीने महिलेला शिवीगाळ दमदाटी करुन जीवे मारण्याची धमकी दिली.
याबाबत कांचन कुणाल गवारे (वय ३२) रा. विठ्ठलवाडी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी चंद्रकांत नारायण गवारे, कुणाल चंद्रकांत गवारे व धनश्री विजय गवारे तिघे रा. विठ्ठलवाडी (ता. शिरुर) जि. पुणे यांच्या विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार किशोर तेलंग हे करत आहे.
