शिरुर (तेजस फडके) निर्वी (ता. शिरुर) येथे सोमवार (दि १६) रोजी ऊस वाहतुक करणाऱ्या ट्रॅक्टर चालकाच्या हलगर्जीपणामुळे भरधाव वेगात असणारा ट्रॅक्टर कोपीवर गेल्याने अपघात झाला असुन पती-पत्नीचा दुर्दैवी मृत्यू झाला असुन याबाबत दिपक गणपत वाघ (वय १९) रा. ममदापूर ता. येवला जि. नाशिक याच्या फिर्यादीवरुन अज्ञात ट्रॅक्टर चालकाविरोधात शिरुर पोलिस स्टेशन मध्ये गुन्हा दाखल करण्यात आला आहे.
याबाबत शिरूर पोलिसांनी दिलेल्या माहितीनुसार सोमवार (दि १६) रोजी दुपारी १ ते ३ वाजण्याच्या सुमारास हि दुर्दैवी घटना घडली असुन निर्वी येथील कणसेवस्ती जवळ ऊस तोडणारे मजुर दांपत्य दुपारी आपल्या कोपीत आराम करत असताना ट्रॅक्टर नंबर एम एच १२ इ बी ४५५८ च्या चालकाच्या हलगर्जीपणामुळे भरधाव वेगात असणारा ट्रॅक्टर कोपीवर गेला. त्यामध्ये फिर्यादीचे वडील गणपत वाघ यांच्या पोटावरुन तसेच आई शोभा वाघ यांच्या तोंडावरुन ट्रॅक्टर गेल्याने ते दोघेही जागीच मयत झाले आहेत.
याबाबत अज्ञात ट्रॅक्टर चालकाविरोधात शिरुर पोलिस स्टेशन येथे मोटार वाहन कायद्यानुसार गुन्हा दाखल करण्यात आला असुन या घटनेचा पुढील अधिक तपास पोलिस निरीक्षक संदेश केंजळे यांच्या मार्गदर्शनाखाली पोलिस उपनिरीक्षक शेळके हे करत आहेत.
शिरुर तालुक्यात नॉनव्हेज खाताय..? मग इकडे लक्ष द्याच
शिरूर! दिगांबर सायकल नसल्याने शाळेत पायी यायचा; उपचारादरम्यान मृत्यू
शिरूरमध्ये खोटं लग्न करणारी लुटेरी दुल्हनसह टोळी जेरबंद
