शिरुर (अरुणकुमार मोटे): जागतिक महिला दिनानिमित्त शिरूर पोलिस स्टेशनच्या विविध पदांचा पदभार महिला पोलिस अधिकारी व अंमलदार यांनी अतिशय सक्षमपणे सांभाळला आहे.
शिरूर पोलिस स्टेशनमध्ये डे आधिकारी म्हणुण महीला पोलिस उपनिरीक्षक सुजाता पाटील, ठाणे अंमलदार महीला पोलिस हवालदार रेखा टोपे, राखीव ठाणे अमंलदार महीला पोलिस नाईक कल्पना ठोंबरे, ठाणे अमंलदार मदतनीस महिला पोलिस अंमलदार शोभा ससे, सी.सी .टी.एन.एस ड्युटीकरता महीला पोलिस अमंलदार अर्चना यादव, वायरलेस ड्युटी करीता महीला पोलिस अमंलदार गौरी अवचार, बारनिशीचे कामकाज महीला पोलिस अमंलदार सुवर्णा नरवडे यांनी कामकाज पाहीले. महिला पदाधिकाऱ्यांनी जनतेच्या विविध तक्रारी ऐकुण व जाणून घेऊन योग्य त्या तक्रारी दाखल करून घेतल्या.
शिरूर पोलिस स्टेशनचा कार्यभार उत्तमरीत्या सांभाळून या महिलांनी पुरुष पोलिस आधिकारी व पोलिस अमंलदार यांच्या प्रमाणे सक्षमरीत्या कामकाज करत ‘ आम्ही कोठेही कमी नसल्याचे ‘ दाखवून दिले आहे. शिरुर पोलिस स्टेशनचे पोलिस निरीक्षक सुरेशकुमार राऊत यांनी महीलांना जागतिक महिलादीनी पोलिस स्टेशनच्या महत्वाच्या पदांचा पदभार देऊन नारी शक्तीचा आदर केला आहे. त्यामुळे त्यांच्यावर शिरूरमधील महीलांमधून, नागरीकांमधून त्यांच्या या निर्णयाचे कौतुक केले जात आहे.
