शिरुर: शिरुर तालुक्यातील पंचतारांकित औद्योगिक वसाहत असलेल्या रांजणगाव MIDC पोलीस ठाण्याच्या हद्दीत असलेल्या हॉटेल आणि लॉजवर मोठया प्रमाणात वेश्या व्यवसाय चालत असल्याची दबक्या आवाजात चर्चा असुन सूत्रांच्या माहितीनुसार रात्रीच्या वेळेस MIDC काही संशयित लोक फिरत असुन पोलिसांनी यावर कारवाई करावी अशी मागणी सर्वसामान्य नागरीकांनी केली आहे.
रांजणगाव MIDC मध्ये अनेक मल्टिनॅशनल कंपन्या आहेत. त्यामुळे मोठया प्रमाणात बाहेरच्या राज्यातील कामगार विविध कंपन्यामध्ये कामासाठी येत असतात. त्यामुळे काही वर्षातच या ठिकाणी हॉटेल, लॉज मोठया प्रमाणात उभे राहिले. परंतु याच हॉटेल आणि लॉज मध्ये वेश्या व्यवसाय चालत असल्याची खात्रीलायक माहीती मिळत असुन त्यामुळे हॉटेल तसेच लॉज मध्ये येणाऱ्या ग्राहकांना याचा मानसिक त्रास होत आहे.
तसेच रांजणगाव MIDC त असलेल्या काही हॉटेल मध्ये सुद्धा वेश्या व्यवसाय चालत असल्याची दबक्या आवाजात चर्चा आहे. रांजणगाव औद्योगिक वसाहतीत नुकतंच उपविभागीय पोलीस अधिकारी यांचं कार्यालय सुरु झालं आहे. त्यामुळे हि बाब गंभीर असुन उपविभागीय पोलीस अधिकारी याकडे गांभीर्याने लक्ष देणार का….? असा प्रश्न विचारला जात आहे.
याबाबत शिरुरचे उपविभागीय पोलीस अधिकारी यशवंत गवारी यांच्याशी संपर्क साधला असता. ते म्हणाले, जर रांजणगाव MIDC पोलीस स्टेशनच्या हद्दीत कोणत्याही हॉटेल किंवा लॉज मध्ये वेश्याव्यवसाय चालत असेल तर लोकांनी निर्भीडपणे पुढे येऊन पोलिसांनी माहीती द्यावी माहिती देणाऱ्याच नाव गुपित ठेवलं जाईल. तसेच सबंधित हॉटेल किंवा लॉजवर कडक कारवाई केली जाईल.