शिरुरमध्ये अल्पवयीन मुलीवर बलात्कार, पोस्कोसह अनुसुचित जाती जमाती अत्याचार प्रतिबंधक कायदयाअन्वये गुन्हा दाखल

मुख्य बातम्या

शिरुर (अरुणकुमार मोटे) शिरुर शहरात एका व्यक्तीने अनुसूचित जातीतील अल्पवयीन मुलीवर जबरदस्तीने वारंवार बलात्कार केल्याप्रकरणी बाललैंगिक अत्याचार तसेच अनुसूचित जाती जमाती प्रतिबंधक कायद्याअन्वये गुन्हा दाखल झाला असुन अस्लम जैनुदिन सय्यद (रा. आंबेडकर नगर, लाटेआळी, शिरुर, ता शिरुर जि पुणे) असे या नराधमाचे नाव आहे.

शिरुर पोलिसांनी दिलेल्या माहितीनुसार ऑक्टोबर 2022 ते (दि. 28) जानेवारी 2023 च्या दरम्यान शिरुर गावच्या हददीत असलेल्या फ्लॅटवर अस्लम जैनुदिन सय्यद याने एका अल्पवयीन मुलीला सामान घ्यायला ये असे सांगत बोलावून घेऊन तिच्या इच्छेविरुद्ध वारंवार जबरदस्तीने लैंगिक अत्याचार केला. याबाबत शिरुर पोलिस स्टेशनमध्ये पोस्कोसह अनुसुचित जाती जमाती अत्याचार प्रतिबंधक कायदयासह गुन्हा दाखल करण्यात आला असुन या घटनेचा पुढील तपास शिरुरचे उपविभागीय पोलिस अधिकारी यशवंत गवारी हे करत आहेत.

हा गुन्हा दाखल झाल्यानंतर आरोपी फरार झाला असून त्याला पकङण्यासाठी शिरुर पोलिसांची तीन पथके रवाना केली असून त्याला लवकरात लवकर गजाआड केले जाईल.

यशवंत गवारी,

उपविभागीय पोलिस आधिकारी, शिरुर