रांजणगाव गणपती (तेजस फडके) रांजणगाव एमआयडीसीतील एका नामांकित कंपनीच्या गोडाऊनमधून तब्बल ५५ लाख २, १५६ रुपये किंमतीचे ६, ६४३ बिस्कीट बॉक्स फसवणुक करत चोरल्याचा धक्कादायक प्रकार उघडकीस आला आहे. या प्रकरणी रांजणगाव एमआयडीसी पोलीस ठाण्यात (Ranjangaon MIDC Police Station) गुन्हा नोंदविण्यात आला असून आरोपी ओंकार रोडे (पुर्ण नाव व पत्ता माहित नाही) फरार आहे.
याबाबत रांजणगाव MIDC पोलिस स्टेशन येथे नजीर इकबाल पठाण यांनी फिर्याद दाखल केली असुन दि २० जुलै २०२५ ते ६ ऑगस्ट २०२५ या कालावधीत, कंपनीचा माल भिवंडी येथे पोहोचविण्याच्या बहाण्याने आरोपीने ट्रान्सपोर्ट कंटेनर चालकांना खोटे चलन व ई-वे बिल पाठवून माल कामशेत व छत्रपती संभाजीनगर येथे उतरवून घेतला असुन बनावट शिक्के व दस्तऐवज वापरून ही फसवणूक करण्यात आली आहे.
घटनेची माहिती मिळताच पोलीस निरीक्षक महादेव वाघमोडे यांच्या मार्गदर्शनाखाली छत्रपती संभाजीनगर येथे पोलिसांनी धाड टाकून २ कंटेनरमधील २० लाख रुपये किंमतीचे १८०० बॉक्स जप्त केले. उर्वरित माल व आरोपीचा शोध घेण्यासाठी दोन पथके रवाना करण्यात आली आहेत.
हि कारवाई पुणे ग्रामीणचे पोलीस अधीक्षक संदीपसिंह गिल, पुण्याचे अप्पर पोलीस अधीक्षक रमेश चोपडे, शिरुरचे उपविभागीय अधिकारी प्रशांत ढोले यांच्या मार्गदर्शनाखाली, पोलीस उपनिरीक्षक अविनाश थोरात, सहायक फौजदार दत्तात्रय शिंदे, पोलीस हवालदार विलास आंबेकर पोलिस कॉन्स्टेबल उमेश कुतवळ, योगेश गुंड, यांनी केली असुन या घटनेचा पुढील तपास पोलीस उपनिरीक्षक अविनाश थोरात हे करीत आहेत.
रांजणगावच्या महागणपती मंदिरात अंगारकी संकष्टी चतुर्थी निमित्त भाविकांची गर्दी
रांजणगावमध्ये जुगार अड्ड्यावर पोलिसांचा छापा; एक आरोपी अटक
Video; रांजणगाव MIDC पोलीस स्टेशन जवळच मध्यरात्री चोरीचा प्रयत्न
